Áhyggjulaust ævikvöld

Dapurlegar fréttir berast eldriborgurum þjóðarinnar, noræna-velferðar-stjórnin ætlar að voga sér að koma með tillögur sem innihalda aukin þjónustugjöld fyrir fólkið sem lagði grunninn að því þjóðfélagi sem við búum í. Væri ekki nær að leggja aukin skatt á tekjur uppá 1.000.000. Og leyfa eldriborgurum að njóta eftir bestu getu ÁHYGGJULAUS-ÆVIKVÖLDS og virðingar okkar sem á eftir koma.   Kári Jónsson Sandgerði.

Hættulegustu hryðjuverkamennirnir.

Stærstu og mestu hryðjuverk samtímans eru unnin í nánu samstarfi við leyniþjónustur svokallaðra lýðræðisþjóða (rúv 3.9.).Harðstjórinn í Lýbíu fékk frelsaðan mann sem sprengdi flugvél í loft upp,allt undir formerkjum mannúðar, hvílík hræsni. Ég hef áður haldið því fram að hættulegastu hryðjuverkamennirnir eru vopnaframleiðendur og lýðræðiskjörnirmenn/konur sem hefur tekist að villa á sér heimildir. Almenningur á landinu-góða við verðum að koma þeim skilaboðum til okkar stjórnmálamanna/kvenna að við kærum okkur ekkert við samskipti við fólk sem er tilbúið að fórna þegnum sínum í stríði við aðrar þjóðir. Ég fagna því að USA-hryðjuverk EHF sé farið af landinu,þess vegna er ánægjulegt að vita að stjórnlagaráð samþykkti 25-0 að aldrei yrði her á Íslandi. Handbendi USA-hryðjuverk ehf Zíonistar, þeirra leyniþjónusta sér um að viðhalda ófriði hvar sem þurfa þykir, Írak og Afganistan og nú síðast Egyptaland og Lýbía. Almenningur í  löndum árásar-aðila og fórnarlambanna  borga með lífi sínu. Þetta tryggir áframhaldandi vopnaframleiðslu og völd valdhafana.Það mun ekki koma mér á óvart að 11/9 væru þeirra eigin verk, allt gert til að viðhalda óþverranum og spillingunni. Kári Jónsson Sandgerði.

Kínverjinn/auðmaðurinn

Enginn stjórnmálamaður vill styggja Kínverjann sem vill fjárfesta í ferðaþjónustu,hann ætlar að byggja hótel af flottustu gerð með tilheyrandi. Fyrir okkur sem byggja þetta land, er aðalatriði að við höfum eignarhald á öllu sem við teljum vera auðlind, land er auðlind að sjálfssögðu. Ef hann gerir sér að góðu að fjárfestingin er að mestu eða öllu leyti í ferðaþjónustu þarf hann ekki að eiga landið,við leigjum honum afnotarétt af landinu. Það tryggir að Íslendingar hafa eignarhald og yfirráð á þeim auðlindum sem kunna að vera til staðar í landinu. Ég vara við stjórnmálamönnum/konum sem vilja stökkva á þetta eins og hverja aðra gullnámu. Stjórnvöldum ber að hugsa um almannahagsmuni og tryggja með lögum að þeir gangi fyrir sérhagsmunum. Forsætisráðherra segir að regluverkið sé nægjanlegt til að við þurfum ekkert að óttast, Allt hrundi á landinu góða fyrir þrem árum síðan og þá heyrðust einmitt raddir af þessum toga um að allt væri í lagi, úrtölufólki var bent á að sækja sér endurmenntun, þetta sama fólk situr í sölum alþingis og hvetur til þess að landið verði selt, hér vantar heldur betur endurmenntun eða hvað. Auðmenn hafa eina hugsun sameiginlega umfram aðrar og það er hagnaður og þeim er nákvæmlega sama hvernig hann er fenginn, þess vegna eru þeir auðmenn. Kári Jónsson Sandgerði.

Fjölmiðlar

Aldrei hefur verið eins mikilvægt að trúverðugir fjölmiðlar séu til staðar og nú á Íslandi og rýni í það sem er að gerast í okkar samfélagi, það sem stingur mest núna er að kvóta-frumvörp ríkisstjórnarinnar eru á milli tanna hagsmunaaðila það er gott svo langt sem það nær, það er hinsvegar ekki gott þegar tekin eru drottningar-viðtöl við menn eða ekki fjallað um önnur frumvörp um sama efni, ég nefni hér frumvarp Hreyfingarinnar um kvótann. á sama tíma og ég er að skrifa þessar línur er verið að kynna nýjan flokk sem kennir sig við lýðfrelsi stefnan í kvótamálum við fyrstu skoðun er góð þar sem aflaheimildir eru innkallaðar í auðlindasjóð ríkisins á einu kjörtímabili og úthlutað aftur með uppboði á aflaheimildum sem eru borgaðar eftir að veiddur fiskur er seldur á fiskmarkaði,að borga eftir sölu tryggir að allir sitji við sama borð. Ég skora á alla fjölmiðla að bregðast ekki kallinu um sanngjarna og heiðarlega umfjöllun og að öllum sé gert jafn hátt undir höfði. Kári Jónsson Sandgerði.

Einkaskólar

Einkaskólar hverju nafni sem nefnast eru þar af leiðandi einkahlutafélög,sem nemendur vissu af þegar þeir hófu nám, eigendur þessara hlutafélaga létu hinsvegar liggja á milli hluta að tilkynna um slæma stöðu fyrr en skólastarf átti að fara að byrja,hvers vegna vinna þeir sína vinnu svona illa, jú það er ástæða fyrir því þeim hefur alltaf verið bjargað, og enn á að bjarga það er bara spurning hvað á að bjarga miklu. Það er ein leið út úr þessu, eigendur afsala öllu hlutafé til ríkisins og hætta afskiptum af skólunum. Ef þetta er óásættanlegt fyrir hluthafa þá verða þeir að fara á hausinn eins og aðrir sem ekki geta staðið í skilum og tapa öllu. Afleiðingarnar eru slæmar fyrir nemendur ef hluthafar ætla eingöngu að hugsa um eigin hag, og þess vegna er það rétt hjá Svandísi að kalla þetta frekju af eigendum skólans, nemendur gengu í gildru eigendanna sem kenndu óverðskuldað ríkinu um vandann. kæru nemendur skoðið hug ykkar vel og vandlega áður en lengra er haldið. Kári Jónsson Sandgerði.

Hetjur eða heilaþvegnir smástrákar.

Tilefni þess að ég skrifa þessar línur er að fréttaskýringarþátturinn 60mínútur er að fjalla um innrásina í Afganistan,sem USA-hryðjuverk ehf stendur fyrir. Obama er notaður eða er þátttakendi með beina hagsmuni af stríðinu. Hans ábyrgð er mikil að senda lítið þroskaða smástráka/stelpur í framvarðasveit til að viðhalda vopnaframleiðslu um allan heim og að hrifsa til sín auðlindir þjóðanna. Kórea,Víétnam,Írak fyrir utan innrásir í Suður-Ameríku til að steypa af valdastóli fólki sem vildi að arðurinn af auðlindum yrði eftir hjá þjóðinni. Til að svindlið líti betur út eru heilaþvegnir smástrákar settir í viðtöl og reynt að gera úr þeim hetjur,þegar það er vitað að meirihluti þessa fólks er nánast ónýtt þegar það kemur heim,stórskaddað á sál og líkama. 60mínútur hefur glatað minni virðingu við að taka þátt í svindlinu.                 Kári Jónsson Sandgerði.

Að koma með allt að landi

Ef það er hægt að nefna eitthvað jákvætt í sjávarútvegi þá er það að vinnsluskip eiga að koma með hausa og hryggi og lifur að landi, að vísu með 1árs aðlögun,gott engu að síður. Verðmæti aflans sem um ræðir skiptir milljörðum, útgerðarmenn hafa ávallt haldið því fram að óverulegur hluti aflanns sé hent í sjóinn aftur, og lýst fyrirlitningu á þeirri skoðun að allt skuli koma í land, og sé í reynd ógerningur og líka óarðbært. Forstjóri Lýsis blés á þessi ummæli og sagðist geta aukið útflutning verulega, ég vona að Lýsi verði áfram alvöru fyrirtæki þegar fram í sækir,að ekki verði búið að draga máttinn úr því í gegnum spillingu bankakerfisins. Mikilvægt er að hausar,hryggir og lifur verði seld á markaði til að fá rétt verð á hráefnið, fjölmörg fyrirtæki geta boðið í þetta hráefni og gert úr góða afurð, það skapar vinnu og gjaldeyri og er það ekki einmitt það sem þjóðinni vantar sárlega núna.      kári Jónsson Sandgerði.

Húsnæði/Íbúðalánasjóðs/Noræn-velferðarstjórn

Íbúðalánasjóður á 2000 íbúðir mikill fjöldi þeirra stendur auður og engum til gagns, þessar íbúðir eiga að fara strax á markað og skapa þannig rétt markaðsverð á leigu-húsnæði sem kemur fólki til góða sem er húsnæðislaust, enginn á að þurfa að vera á götunni. Og vill ekki borga fasteignagjöld eða viðhald fyrir eigandann (sjóðinn).Velferðarráðherrann og ráðherra bankamála eiga bregðast tafarlaust við fáranlegu leiguverði. T.d. getur íbúðalánasjóður stofnað dótturfélag sem annast rekstur leigumiðlunar, það er óþolandi að á sama tíma og landsmenn þurfa að borga með íbúðalánasjóði séu eignir hans ónotaðar. Þetta er mun betri kostur heldur en hærri leigubætur. Ríkisstjórnin kemst aðeins nær því að vera noræn velferðarstjórn ef hún fer þessa leið. Kári Jónsson Sandgerði.

Landráðastofnun Íslands

Kristinn Pétursson frá Bakkafirði var í þætti á Sögu og umtalsefnið var hafrannsóknir, hann benti á að 20% reglan sem við höfum að leiðarljósi í okkar stjórnun á fiskveiðum hafi ekki lagastoð,ennfremur vitnaði hann um að sama stjórnun við Nýfundnaland hefði verið notuð,með þeim árangri að þurrka upp alla veiði á þeim slóðum. Rússar notuðu allt aðrar aðferðir í Barentshafi með vægt til orða tekið betri árangri. Stofnunin sem ræður mestu um lífskjör á Íslandi vinnur gegn öllum þeim sem hafa aðrar skoðanir heldur en stofnunin og þeir/þau fyrirtæki sem hafa mesta hagsmuni af kvótakerfinu illræmda,þ.e. 25stærstu handhafar kvótanns. Ég skora á Jón Bjarnason að efna til málþings um hafrannsóknir þar sem allir hagsmunaaðilar koma að borði og ráða ráðum sínum,tryggja verður að öllum verði gefin sami tími til að tjá sig. Annað verður ekki séð með neinni sanngirni en að kalla stofnunina landráða nema að hún opni fyrir samræðu og gagnrýni,því eins og Kristinn benti á er hér um steingelda og staðnaða stofnun að ræða sem hefur fjöregg þjóðarinnar í höndunum (steingeld er mitt orð ekki Kristins). Kári Jónsson Sandgerði.

150 milljarða skuld við samfélagið

Lífeyrissjóðir landsmanna skulda fólkinu sem borgar í sjóðina 150milljarða,þetta eru verðbætur sem eru frá 2008 eða hruni,þegar íbúðalán stökkbreytust almenningur er látinn bera þessar byrðar, einasta færa leiðin fyrir fólk er að hætta að borga af þessum lánum. Samstillt átak fólksins mun skila árangri. Lífeyrissjóðirnir verða að skila til baka verðbótunum sem áunnist hafa frá hruni. Til lengri tíma litið er þetta góð leið til að jafna verðmætum þjóðarinnar,gera fólki kleift að yfirstíga erfiðleika sína.Hér er bráðavandi á ferðinni sem verður langtímavandi ef ekki verður ráðist að rótum vandans. Ennfremur legg ég til að ASÍ segi sig frá nýgerðum samningum og breyti um áherslur,þ.e. krefjist verðtryggingar á laun eða afnám verðtryggingar á lán.Verkafólk hefur allt að vinna en engu að tapa. Kári Jónsson Sandgerði.